About Jamia-Tul-Mustafa

جامعۃالمصطفٰے گوجرانوالہ

جامعۃالمصطفٰی ترویجِ شریعت واحیائے سنت کی عظیم روحانی تحریک اِدارۃالمصطفٰی کے زیرِاہتمام چلنے والی وہ مثالی درسگاہ ہے جو اسلام کی اوّلین درسگاہ صفّہ کا نظریاتی و فکری تسلسل ہے۔ فہم اوردینِ اسلام کی صحیح ونتیجہ خیز تعلیمات کی نشرواشاعت کےساتھ اِصلاحِ اُمت کا جذبہ لئے عالمی مبلغِ اسلام پیرزادہ محمدرضاثاقب مصطفائی نے محبت، پیار، خلوص وللّٰہیت کی جو شمیں جلائی تھیں الحمدللہ! آج چراغِ ہدایت کی صورت ہزاروں متلاشیانِ حق کو صراطِ مستقیم کی طرف لےجاری ہیں۔

یہ ایک ایسی عظیم درسگاہ ہے جس کا مقصدعصرِ موجود میں درپیش مسائل اور چیلنجزکوسامنے رکھتے ہوئے تعلیمات اسلامیہ کو جدید اُسلوب اورتقاضوں کے مطابق پیش کرنا ہے۔فرقہ واریت،شدت پسندی وباہمی مسلکی تعصّبات سے پاک اسلامی تعلیمات کےساتھ ساتھ جدیدعصری علوم وفنون سےآگاہی اِس درسگاہ کے خواص میں شامل ہے